Prezıdent Qasym-Jomart Toqaev Ońtústik Koreıada ótip jatqan jasóspirimder arasyndaǵy Olımpıadada tuǵyrdan shańǵymen sekirý sportynan Qazaqstan tarıhynda tuńǵysh altyn medaldi jeńip alǵan Ilıa Mızernyhty aıtýly jeńisimen quttyqtady. Bul týraly Prezıdenttiń baspasóz hatshysy Berik Ýálı óziniń Facebook paraqshasynda jazdy, dep habarlaıdy Egemen.kz.
«Memleket basshysy chempıonnyń áli de talaı jeńis tuǵyrynan kórinip, bıikterdi baǵyndyra berýine tilektestik bildirdi. Sondaı-aq Kanvondaǵy dodaǵa qatysyp jatqan otandyq sporshylarǵa tabys tiledi», dep jazdy Prezıdenttiń baspasóz hatshysy.