Eýropalyq Odaqtyń Syrtqy ister jáne qaýipsizdik saıasaty jónindegi Joǵarǵy ókili Jozep Borrel Izraıl memleketi HAMAS uıymyn «ózderi qarjylandyryp ósirdi» dep aıyptady. Jáne Izraıl men Palestına memleketinde tynyshtyq ornatý máselesin, Taıaý Shyǵystaǵy qaqtyǵys shıelenisin syrttan sheshýge úndedi, dep habarlaıdy Egemen.kz DW medıakompanııasyna silteme jasap.
«Biz beıbitshilikti ornatý úshin eki memlekettiń tynysh ómir súrýine úndeıtin bitimgerlik sózdi syrt kóz aıtqany durys dep sanaımyz», dedi J.Borrel. Biraq oǵan Izraıl premer-mınıstri Benıamın Netanıahý 30 jyl boıy bultalaqqa salynyp, tipti mundaı kelisim jasasýǵa kónbeı «boıkot jarııalaǵanyn» da málimdedi.
«Izraıl úkimeti Palestınanyń Fath bıligin kúıretý úshin HAMAS uıymyn ózderi uıymdastyryp qarjylandyrdy. Eger biz qazir bel sheship aralaspasaq kesh qalamyz, eki eldiń dúrdarazdyǵy men kórseter zorlyq-zombylyǵy urpaqtan-urpaqqa «muraǵa qalyp» jalǵasa beredi», dedi dıplomat.