Jer silkinisi kezinde Astana-Almaty baǵytyndaǵy Eır Astananyń KS-856 reısiniń ushaǵy Túrkistannyń qosalqy aerodromyna qondy, dep habarlaıdy Egemen.kz Azamattyq avıasııa komıtetiniń baspasóz qyzmetine silteme jasap.
Almatyda bolǵan jer dúmpýi áýe qozǵalysyn basqarýdyń avtomattandyrylǵan júıesiniń «munarasynda» aıtarlyqtaı sezilgen. Aerodrom aýdanynda qonýǵa bet alǵan 5 áýe kemesi bolǵan, onyń bireýi qonyp úlgergen.
«4 áýe kemesine jer silkinisi týraly habar berilip, aerodrom aımaǵynda kútý uıymdastyryldy. Keıinirek aerodromdy basqarý ortalyǵynyń basshysy munaradan evakýasııalaýǵa sheshim qabyldady. Aerodromdy basqarý ortalyǵynda áýe qozǵalysyn basqarý 20 mınýtqa jalǵasty. Odan ári jerasty dúmpýleri toqtaǵan soń, aerodromdy basqarý ortalyǵy qaıtadan jumysyn bastady», delingen habarlamada.
Qonýy tıis 4 ushaqtyń biri − Astana-Almaty baǵytyndaǵy Eır Astananyń KS-856 reısiniń ushaǵy Túrkistannyń qosalqy aerodromyna qonǵan. Qalǵan úsheýi esh qıyndyqsyz Almaty áýejaıyna qondy.
«Saǵat 00:39-dan bastap áýejaı shtattyq rejimde jumys isteı bastady. Qosalqy aedromǵa attanǵan KS-856 reısi Túrkistannan saǵat 02.32-de Almatyǵa qaıta ushyp, 03.34-te sátti qondy», delingen komıtet málimetinde.