Ońtústik Koreıada ótip jatqan IV qysqy jasóspirimder Olımpıadasynda jerlesterimiz erteń 2 sport túri boıynsha dodaǵa enedi. Vedomstvo 30 qańtardaǵy jarys kestesin jarııalady, dep habarlaıdy Egemen.kz.
Shańǵymen 7,5 shaqyrymǵa jarys (klassıkalyq júrispen) ótedi. Naqty ataǵanda Astana ýaqytymen 8:00-de uldar: Berik Boranbaev, Áýbákir Totanov jáne 10:30-de qyzdar: Mılana Mamedova, Vıoletta Mıtropolskaıa shyǵady.
Al kıorlıngten Qazaqstan-Italııa oıyny 15:00-de bastalady, oǵan Mereı Tastemir men Ibragım Tastemir qatysyp, aralas juptyq básekede saıysady.
Esterińizge salaıyq, qazirgi ýaqytta Qazaqstan qorjynynda 1 altyn, 2 qola bar. Elimizge alǵashqy altyndy Ilıa Mızernyh tartý etkeni málim, al short-trekten Polına Omelchýk jáne hokkeıden Ulttyq qurama qola medal jeńip alǵany habarlanǵan edi.