Kásipkerlerdi qoldaýǵa arnalǵan «Bıznestiń jol kartasy» jáne «Qarapaıym zattardyń ekonomıkasy» memlekettik baǵdarlamalary biriktiriledi. Bul týraly Úkimet otyrysynda Ulttyq ekonomıka mınıstri Álibek Qýantyrov aıtty, dep habarlaıdy Egemen.kz.
«Memleket basshysynyń halyqqa Joldaýyn oryndaý maqsatynda mınıstrlik «Bıznestiń jol kartasy» jáne «Qarapaıym zattardyń ekonomıkasy» baǵdarlamalaryn birizdendirýdi kózdeıtin memlekettik qoldaý sharalaryn kórsetý baǵdarlamasyn ázirledi. Básekege qabiletti, ımportty almastyratyn jáne eksportqa baǵyttalǵan óndiristerdi damytýǵa jáne jańa jumys oryndaryn ashýǵa basty nazar aýdarylady», dedi Álibek Qýantyrov.
Mınıstr baǵdarlamanyń «Shaǵyn kásipkerlik», «Shaǵyn jáne orta kásipkerlik», «О́ńdeý ónerkásibindegi jáne qyzmet kórsetý salasyndaǵy shaǵyn, orta jáne iri kásipkerlik», «Mono jáne shaǵyn qalalardaǵy, aýyldyq eldi mekenderdegi kásipkerlik», «Áleýmettik kásipkerlik», «Qor bırjasy» atty 6 baǵyttan turatynyn túsindirdi.
«Baǵyttar aıasynda jańa jobalardy sýbsıdııalaýǵa bıýdjet qarajatyn bólý negizinen óńdeýshi ónerkásip kásiporyndary úshin júzege asyrylady. Baǵdarlama sýbsıdııalaýdan kepildik quraldaryna jáne basqa da qarjylyq emes qoldaý sharalaryna kezeń-kezeńimen kóshýdi qarastyrady», dep qosty mınıstr.