Almaty qalasyndaǵy «Tamos» mektebinde robottehnıkadan ótken «FIRST Championship» óńirlik irikteý chempıonatynda Abaı oblysynyń «Alash» quramasy top jaryp, júldeli 2-orynǵa ıe boldy.
Bul jarysqa elimiz jáne О́zbekstannan 40-qa jýyq komanda qatysty. Innovasııalyq jobalaryn usynǵan 500-den asa qatysýshy úsh baǵytta óner taqyryby boıynsha synǵa túsip, arnaıy jabdyqtalǵan alańdarda robottaryn jarystyrdy.Chempıonattan úzdik shyqqan komandalar aqpan aıynyń sońynda Astanada ótetin FIRST Ortalyq Azııa kezeńine joldama aldy. Abaı oblysynyń komandasy osy chempıonatta respýblıka namysyn qorǵaıtyn bolady.
«Alash» quramasy qurastyrǵan «Fenıks» roboty shaǵyndyǵymen erekshelenedi. О́zge óńir komandalarymen pıksel jınaý, ushaq ushyrý jáne týrnıkke tartylýdan saıysqa túsken bul komandanyń osy joly bási joǵary boldy. Komanda jetekshisi Erasyl Nurekenov qurama músheleriniń bul saıysta úzdik óner kórsetkenin atap ótti. Elektrtehnıkalyq kolledj stýdentteri men Abaı aýdany Sh.Ábenov atyndaǵy mektep oqýshylarynan jasaqtalǵan komanda quramynda kolledj stýdentteri – Azamat Beıbituly, Rýslan Nesterenko, Nurbol Júnisov, Bekjan Qorǵambaev, sondaı-aq mektep oqýshylary – Eraly Syrymuly, Sanjar Asqaruly, Eldar Orazbekov, Janbolat Qaırollaev bar.
«USTEM Foundation» uıymdastyrǵan chempıonat «Tamos» mektebi men «Qstem Education»-nyń qoldaýymen ótti. Qatysqan komandalar arasynan Ortalyq Azııa oıyndaryna 5 komanda joldama aldy.
ALMATY