Mańǵystaýda «Qyzylsaı» memlekettik óńirlik tabıǵı parkiniń negizgi mindeti — janýarlar men ósimdikter dúnıesin qorǵaý jáne ósimin molaıtý. Qyzylsaı parkiniń quramyna «Tasorpa», «Manashy», «Jabaıushqan», «Adamtas» memlekettik tabıǵı qaýmaldary men Qyzylsaı parki kiredi. Qazirgi tańda park qorǵaýyndaǵy arqar, qaraquıryq basy 18% -ǵa kóbeıip, ańdar men qustar úshin daladaǵy 52 bulaqtyń kózi ashylǵan, dep habarlaıdy Egemen.kz.
Júzge jýyq adam eńbek etetin mekemege 2023 jyly 6 jańa «Patrıot Ýaz» avtokólik berildi. Quramynda ǵylymı, tehnıkalyq, qarjylyq, órt qaýipsizdigi bólimderi bar nysannyń jańa tehnıkamen tolyǵýy tabıǵat, ósimdik, ań, qustardy qorǵaý, tolyqtyrý, kóbeıtý jumystaryna kúndelikti qajet.
«Qyzylsaı» memlekettik óńirlik tabıǵı parkiniń basshysy M. Qarataýov erekshe qorǵaýǵa alynǵan arqar, qaraquıryqtyń basy kóbeıýi men bulaqtardyń kózin ashýda memlekettik ınspektorlardyń tynymsyz eńbeginiń úlesi zor ekenin málimdedi.