Túrkistan oblysynyń prokýratýrasy «Jetisaı aýdany bilim bólimi» memlekettik mekemesiniń býhgalterlerine qatysty sotqa deıingi tergep-tekserýdi bastady, dep jazady Egemen.kz.
Tergeý barysynda aýdan býhgalterleri aldyn-ala sóz baılasý arqyly muǵalimderdiń jalaqysynan asa iri mólsherde qarjy jymqyryp kelgeni anyqtaldy. Olar bul áreketterin 2021-2023 jyldar aralyǵynda júzege asyryp kelgen. Tergeý barysynda esepshiler mektep qyzmetkerleriniń anketalyq málimetterin ózgertkeni belgili boldy.
Prokýrorlardyń aıtýynsha, kúdiktiler zańsyz jolmen 530 mıllıon teńgege jýyq qarjyny ıemdengen.
«Sotqa deıingi tergep-tekserý basqarmasymen 3 kúdikti ýaqytsha ustaý ızolıatoryna qamalyp, sot sanksııasymen eki aıǵa qamaýǵa alyndy. Atalǵan qylmysqa basqa da tulǵalardyń qatystylyǵy anyqtalyp jatyr. О́zge aqparattar QPK 201-babynyń talaptaryna sáıkes jarııa etýge jatpaıdy», delingen prokýratýra habarlamasynda.