Taldyqorǵan qalasynda Ulttyq ulannyń jaýyngerleri jappaı tóbeleske qatysýshylardan travmatıkalyq tapansha, pyshaq, kózden jas aǵyzatyn búrikkishterdi tárkiledi, olar janjal kezinde atalǵan qarýlardy qoldanǵan, dep habarlaıdy Egemen.kz.
Ulttyq ulan baspasóz qyzmetiniń málimetinshe 1 aqpanda saǵat 18:45 shamasynda Taldyqorǵan qalasy Qabanbaı batyr (Arbat) kóshesi boıynda patrýldik beket qyzmetin atqaryp júrgen áskerı jasaq bir-birimen tóbelesken buzaqylar tobyn baıqaǵan. Efreıtor Ádilet Temirov, patrýlshi qatardaǵy jaýyngerler – Qylyshbek Tolybaev, Aqan Imanbek, Ermek Naǵymetovter jedel is-qımyldary ári kásibı sheberlikterimen tóbeles shyǵarǵan topqa qatysy bar eki buzaqyny ustap, qaqtyǵystyń odan ári shıelenisýine jol bermedi jáne aınalasyndaǵylardyń qaýipsizdigin saqtaı bildi.
Ulandyqtar bolǵan oqıǵanyń mán-jaıyn anyqtaý úshin qoǵamdyq tártipti buzýshylardy qalalyq polısııa basqarmasynyń qyzmetkerlerine jetkizdi.