Ekaterınbýrg - Almaty tasjolynda, Aqmola oblysyndaǵy Birsýat aýylynyń mańynda iri jol apaty boldy. 11 kólik soqtyǵysyp, saldarynan bes adam zardap shekti, dep habarlaıdy Egemen.kz.
Jelide Aqmola oblysyndaǵy tasjolda bolǵan iri jol apatynyń vıdeosy tarady.
Ekaterınbýrg - Almaty tasjolynyń 1318-shaqyrymynda, Birsýat aýylyna jaqyn jerde birneshe kólik soqtyǵysty.
«Oqıǵa ornyna barǵan polıseıler Toyota Camry kóliginiń 29 jastaǵy júrgizýshisi qashyqtyqty saqtamaı, jyldamdyqty shekten asyryp, sol baǵytta kele jatqan Volkswagen Polo kóligimen soqtyǵysqanyn anyqtady. Oqıǵa saldarynan 11 kólik soqtyǵysty», dep habarlady Aqmola oblysynyń polısııa departamenti.
Polısııa aýrýhanaǵa zardap shekken bes adam jetkizilgenin habarlady.