Fransııanyń bas shahary Parıjde ótip jatqan Grand Slam jarysynda Ulttyq qurama dzıýdoshysy Nurlyhan Sharhan qola júlde jeńip aldy, dep habarlaıdy Egemen.kz mınıstrlikke qarasty Sportty damytý dıreksııasynyń baspasóz qyzmetine silteme jasap.
Ol júlde jolynda shveısarııalyq Aıh Danıelden basym tústi.
Nurlyhan Sharhan irikteý kezeńinde óz tobynan sýyryla ozdy. Alǵashqy aınalymda amerıkalyq Natanıel Kıvany, odan keıin álem reıtınginde úshinshi ornynda turǵan nıderlandylyq Maıkl Korreldi utty. Shırek fınalda serb sportshysy Aleksandr Kýkoldy qosymsha ýaqytta vazarı upaıymen utyp, jartylaı fınalǵa shyqty.
Jartylaı fınalda eki dúrkin álem chempıony Nıkoloz Sherazadıshvılımen (Ispanııa) kezdesken ol qarsylasyna ese jiberdi.
Aıta ketsek, Grand Slam jarysyna álemniń 107 elinen 621 dzıýdoshy qatysyp jatyr. Jarys jeńimpazyna álemdik reıtıngte 1 000 upaı, II orynǵa – 700, al III orynǵa 500 upaıdan qosylady.