Prezıdent Qasym-Jomart Toqaev «Qazatomónerkásip» ulttyq atom kompanııasy» AQ basqarma tóraǵasy Meıirjan Iýsýpovty qabyldady, dep habarlaıdy Egemen.kz Aqorda baspasóz qyzmetine silteme jasap.
Memleket basshysyna «Qazatomónerkásiptiń» byltyrǵy atqarǵan jumystarynyń nátıjesi týraly esep berilip, kompanııanyń qysqa merzimdi jáne orta merzimdi perspektıvaǵa arnalǵan maqsattary men josparlary tanystyryldy.
Prezıdentke ótken jyldyń qorytyndysy boıynsha ýran ónimderin óndirý kólemi 21 myń tonnadan, al satý kórsetkishi 18 myń tonnadan asqany jóninde baıandaldy. Meıirjan Iýsýpovtyń aıtýynsha, 2023 jyly Transkaspıı halyqaralyq kólik baǵdary arqyly tasymaldanǵan ýran ónimderiniń úlesi aıtarlyqtaı artqan. Qazaqstannan batys elderine jóneltilgen ýrannyń 64 paıyzy osy tranzıt dálizi arqyly tasymaldanǵan.
Budan bólek, Memleket basshysyna «Qazatomónerkásip» kompanııalar toby júzege asyryp jatqan ınvestısııalyq jobalar, sondaı-aq óndiris oryndary ornalasqan óńirlerdi damytýǵa jáne qoldaýǵa baǵyttalǵan áleýmettik mańyzy bar jobalar týraly málimet berildi.
Sonymen qatar Prezıdentke mıneraldyq-shıkizattyq bazany keńeıtý jáne tolyqtyrý jumystary týraly aıtyldy.
Kezdesý sońynda Qasym-Jomart Toqaev «Qazatomónerkásip» jumysynyń tıimdiligin arttyrý jóninde birqatar naqty tapsyrma berdi.