Aqmola oblysynda mektep oqýshylary mingen shaǵyn avtobýs jol apatyna ushyrady, dep habarlaıdy Egemen.kz.
Tótenshe oqıǵa Kókshetaý-Atbasar tasjolynda, Maksımovka aýylynyń mańynda oryn aldy.
Jol apaty saldarynan bir adam qaza taýyp, 15 jolaýshy aýrýhanaǵa jetkizilgen. Onyń segizi - balalar.
Dárigerlerdiń sózine qaraǵanda, qazir olardyń jaǵdaıy birqalypty. Tórt adam oblys ortalyǵyndaǵy aýrýhanaǵa aýystyrylǵan. Alty oqýshy aýdandyq emdeý mekemesinde em alyp jatyr. Mektep oqýshylary Kókshetaý qalasynda ótken Kóńildi tapqyrlar oıynynan qaıtyp kele jatqan.
Polısııanyń málimetinshe, shaǵyn avtobýstyń 62 jastaǵy júrgizýshisi alda kele jatqan qar tazalaý tehnıkasyn basyp ozamyn dep qarsy betke shyǵyp ketken. Rólge ıe bola almaı, jeńil kólikke soqtyǵysqan. Jeńil kóliktiń júrgizýshisi oqıǵa ornynda qaza tapty.
- Jol-kólik oqıǵasy Kókshetaý-Atbasar tasjolynda, Maksımovka eldi mekeniniń mańynda boldy. Atalǵan fakti boıynsha tergep-tekserý bastaldy. Saraptama taǵaıyndaldy, – dedi Aqmola oblystyq polısııa departamentiniń ókili Álııa Bılıalova.