Senat depýtaty Nurtóre Júsip el Úkimetiniń jańa basshysy Oljas Bektenovke tilek retinde Facebook áleýmettik jelisindegi paraqshasynda jazba jarııalady, dep habarlaıdy Egemen.kz.
«Oljas Bektenov týraly aıtar bolsaq, birinshiden, qyryqtyń qyrqasynda qylshyldap turǵan jas adam. Buǵan deıin Aqordada apparat basshysy, oǵan deıin Antıkorda qyzmet atqardy. О́ńirde de jumys istedi. Bir sózben aıtqanda sharýanyń jaıyn da, halyqtyń jaǵdaıyn da jaqsy biledi. Ekinshiden, qaı jerde istese de artynan jaman sóz ermegen kisi. Tazalyq pen týralyq jolynda jaman aty shyqpaǵan. Úshinshiden, Memleket basshysy aldaǵy ýaqytta Qazaqstan ekonomıkasynyń tabysyn 2 ese arttyrý mindetin qoıdy», dep jazdy Nurtóre Júsip.
Senatordyń aıtýynsha, bul ońaı mindet emes. Buǵan jigerli, tabandy, bir sózdi batyl adam qajet.
«Oljas Abaıulynyń boıynda bul qasıetter bar. Prezıdent te óz sózinde osy qasıetterin atap ótti. Bektenov istiń adamy sekildi, kóp sóılemeıdi. Sóılese týrasyn aıtady. «Adamdarǵa jaqsy baspana men joldar kerek. Qoljetimdi jer men ishetin sý kerek. Sapaly bilim men medısına qajet. Ádil sot pen ómir súrýge qaýipsiz orta kerek. Al biz eshteńe estimegendeı syńaı tanytamyz jáne «ádemi» statıstıkaǵa qurylǵan jumysty jalǵastyramyz» degen sózi bar. Mańyzdysy - qoǵamdaǵy tazalyq!», dep pikir bildirdi Nurtóre Júsip.
Sondaı-aq senator Prezıdent ylǵı aıtyp kele jatqan «Ádiletti Qazaqstan» qaǵıdaty ornyǵýy úshin Úkimet basshysynyń jeke azamattyq ustanymy da mańyzdy ekenin tilge tıek etti.
«Salyq Kodeksi men memlekettik satyp alý týraly zańnamalardy jedel retke keltirý óte mańyzdy. Sosyn Úkimetke aımaqtarda ábden ysylǵan, tájirıbe jınaqtaǵan, adal, arly azamattardy tartý arqyly halyqqa jany ashıtyn, elge jaqyn komanda jasaqtasa jón bolar edi!», dep oıyn bildirdi Nurtóre Júsip.