Aqtóbe oblysynda aqtútek boranda qalyp qoıǵan kólik júrgizýshileri 1300 teńgege nan satyp alýǵa májbúr boldy. Baǵasyn qymbattatyp paıda tappaq bolǵan alypsatarlarǵa shaǵym túsirgen turǵyndar aýyl ákiminiń kelýin talap etip otyr, dep habarlaıdy Egemen.kz.
KTK arnasy habarlaǵandaı, Samara - Shymkent tas jolynyń Hromtaý qalasy men Qobda aýylyna deıingi aýmaǵynda júzge jýyq kólik kepteliste tur.
Aqtútek boranda qalyp qoıǵan júrgizýshilerdiń sharasyzdyǵyn paıdalanǵan alypsatarlar bir bólke nandy 1300 teńgeden satqan. Aýdan basshylary qymbat nannyń saýdagerlerin sol kúıi anyqtaı almady.
Jol boıyndaǵy dámhanalar men demalys oryndarynyń ıeleri nan baǵasyn 160-185 teńgeden asyrmaǵanyn aıtyp otyr, buny júrgizýshiler de rastaǵan.