Júktiliktiń sońǵy aıynda jolǵa shyqqan almatylyq áıel poıyzda qyz balany dúnıege ákeldi. Vagon jolserigi Baǵdagúl Ábdáqulova jáne poıyz brıgadasynyń basqa da qyzmetkerleri qajetti kómek kórsetip, áıeldi aman-esen bosandyryp aldy, dep habarlaıdy Egemen.kz.
Jas ana Jansaıa Kókenova júktiliktiń sońǵy aıynda Almatydan О́skemenge №352 poıyzben jolǵa shyqqan. Poıyz jóneltilgennen keıin Ekasha – Aıyrtaý stansııalary arasynda jolaýshynyń tolǵaǵy bastalǵan. Vagon jolserigi Baǵdagúl Ábdáqulova jáne poıyz brıgadasynyń basqa da qyzmetkerleri qajetti kómek kórsetip, bosanýdy aman-esen qabyldady. Qyz 7 aqpanda saǵat 13:30-da dúnıege keldi.
Poıyz brıgadasy jaqyn mańdaǵy stansııaǵa jedel járdem shaqyrǵan. Vagonda bosanǵan áıelge kómek kórsetý úshin barlyq qajetti jaǵdaılar jasalǵan.
«О́skemen stansııasyna kelgennen keıin qyzdy anasymen birge jedel járdem qyzmetkerleri qabyldady. Jolserik Baǵdagúl Ábdáqulova temirjolda 23 jyldan astam jumys istep keledi. Bul oqıǵa onyń tájirıbesinde birinshi ret oryn alyp otyr», delingen «Jolaýshylar tasymaly» AQ habarlamasynda.
Aıta ketý kerek, poıyz brıgadalarynyń qyzmetkerleri standartty emes jaǵdaılarda alǵashqy medısınalyq kómek kórsetý boıynsha turaqty negizde oqytylady. Sońǵy 3 jylda «Jolaýshylar tasymaly» AQ poıyzdarynda 12 bala dúnıege kelgen.