8 aqpan saǵat 02:20-da Almaty qalasy, Medeý aýdanyndaǵy Taý Samaly shaǵynaýdanynda tehnogendik sıpattaǵy tótenshe jaǵdaı boldy. Atalǵan aýmaqta laı kóshkini júrip, 4 adam izdestirilip jatyr, dep jazady Egemen.kz.
Laı kóshkini shaǵynaýdandaǵy bir úıdi tolyq, ekinshi úıdi ishinara basyp qalǵan. Avarııalyq-qutqarý toby mekenjaı boıynsha turatyn 4 adamdy izdestirip jatyr.
Topyraqtyń laılanýy saldarynan bolǵan tehnogendik sıpattaǵy laı kóshken jerge qala ákimi Erbolat Dosaev keldi.
«Negizgi basymdyq – izdeý-qutqarý jumystary. Úıde bolǵan adamdardy izdeý boıynsha jumyldyrylǵan toptyń jumysyn úzdiksiz qamtamasyz etý qajet», dedi Erbolat Dosaev.
Laı kóshkini basyp qalǵan baspananyń kórshileri úıde 4 adamnan turatyn 1 otbasy bolǵanyn aıtty.
Ákimniń tapsyrmasy boıynsha oqıǵanyń sebepterin anyqtaý jáne laı kóshkini saldaryn joıý boıynsha arnaıy top quryldy.