Almatyda laı kóshkini bolǵan jerden bir er adamnyń máıiti tabyldy. Bul týraly Tótenshe jaǵdaılar mınıstrligi habarlady, dep jazady Egemen.kz.
«Almaty qalasy Tótenshe jaǵdaılar departamenti men Respýblıkalyq jedel-qutqarý jasaǵynyń kúshteri 2007 jyly týǵan jas jigittiń denesin tapty», delingen TJM habarlamasynda.
Aıta keteıik, búgin saǵat 2:20 shamasynda Almaty qalasy Medeý aýdany, Taý samaly shaǵynaýdanyndaǵy 2 úıdi laı kóshkini basyp qaldy. 4 adamnyń izdestirilip jatqany aıtylǵan edi. Sonyń ishinde bir er adam óli tabyldy.