Bolgarııanyń bas shahary Sofııada ótip jatqan kishi álem chempıonaty – Strandja kýbogynda sharshy alańǵa shyqqan Qazaqstannyń 8 boksshysynyń úsheýi jeńiske jetti, al beseýi qarsylastaryna ese jiberdi, dep habarlaıdy Egemen.kz Boks federasııasyna silteme jasap.
Naqty aıtqanda, 51 keli salmaqta Sanjar Táshkenbaı mońǵolııalyq qarsylasy Ganhýıagıın Gan-Erdeneni 5:0 kórsetkishimen utyp, jartylaı fınalǵa jol ashty.
67 kelidegi Dýlat Bekbaýov Ýkraınadan kelgen Danılo Lozandy 4:1 esebimen jeńip, jartylaı fınalǵa shyqty.
80 keli salmaq boıynsha Tursynbaı Qulahmet ýkraınalyq boksshy Matveı Rajbany (4:1) aıqyn basymdyqpen tize búktirip, jartylaı fınal sheńberine ótti.
Al bes boksshy, Dáýlet Moldashev (54 keli), Orazbek Asylqulov (57 keli), Rýslan Kúzeýbaev (60 keli), Erasyl Tańqaı (63,5 keli), Nurqanat Raıys (75 keli) óz salmaqtary boıynsha qarsylastarynan utylyp qaldy.