Qazaqstannyń Mádenıet jáne aqparat mınıstri Aıda Balaeva Saha Respýblıkasynyń Mádenıet jáne rýhanı damý mınıstri Afanasıı Noevpen kezdesip, yntymaqtastyqty damytý máselelerin talqylady, dep habarlaıdy Egemen.kz.
Kezdesý barysynda eki el arasyndaǵy mádenı birlestikti nyǵaıtýǵa yqpal etetin yntymaqtastyqty damytýdyń túrli aspektileri talqylandy.
Qos tarap 2024 jyldyń sáýir aıynda Qazaqstanda Saha respýblıkasynyń kúnderi aıasynda ótetin is-sharalardy talqylady. Is-sharalar Astana men Almaty qalalarynda uıymdastyrylady.
Aıta ketsek, 17 sáýirden bastap elorda turǵyndary men qonaqtary «Iаkýtııa qazynasy» kórmesinde kórsetiletin Iаkýtııanyń biregeı mádenı murasymen tanysa alady.
Qalıbek Qýanyshbaev atyndaǵy memlekettik ulttyq qazaq mýzykalyq drama teatrynyń kameralyq zalynda «Iаkýtııa vırtýozdary» skrıpkashylar ansambliniń konserti, «Nýrgýn Bootýr» Olonho operasy, Maksım Gorkıı atyndaǵy orys drama teatrynyń zalynda «Kyys Debılııe» Olonho spektakli kórsetiledi dep josparlanǵan.
Odan bólek Almatydaǵy memlekettik teatr zaldarynda da konsertter men spektaklder uıymdastyrylady.