Abaı oblysynda bıiktigi 80 sm-ge jetetindeı qalyń qar jaýyp, oblystyń bir óńirinde tabıǵı tótenshe jaǵdaı rejımi engizildi. Respýblıkalyq mańyzy bar joldarda qozǵalys shekteldi, dep habarlaıdy Egemen.kz.
Tótenshe jaǵdaılar mınıstrligi óńirdegi qutqarý jumystarynyń barysy týraly habarlady.
«Qalbataý-Maıqapshaǵaı» tasjolynyń 970-995-shaqyrymynda Abaı aýdanynyń jol qyzmetkerleri men Tótenshe jaǵdaılar departamentiniń kúshimen 385 adam evakýasııalandy. Tıimdilik úshin áýe qatynasy da tartyldy.
Qalbataýdan Kókpektige deıin jol ashyq. Joldy keńeıtý jumystary júrgizilip jatyr.
Bul aýmaqqa barlyǵy 14 birlik jol tehnıkasy jumyldyryldy. Qaýipsiz ótýdi jyldam qamtamasyz etý úshin qosymsha qar tazalaý tehnıkasy men jeke quram tartyldy.