25 qańtarda bolǵan oqıǵany Túrkistan oblystyq polısııa departamenti rastady. Maqtaaral aýdany boıynsha aýdandyq bilim bóliminiń esepshisi Ekonomıkalyq tergeý departamentiniń tekserýinen keıin ózine qol jumsaǵan, dep jazady Egemen.kz.
Is boıynsha qylmystyq kodekstiń 105-babynyń birinshi bóligi «О́zin óltirýge ıtermeleý» boıynsha qylmystyq is qozǵaldy.
Ekonomıkalyq tergeý departamenti Maqtaaral aýdanyna qarasty aýdandyq bilim bóliminiń esepshileriniń jumysyn tekserý barysynda bıýdjet qarajatyn urlaý deregi boıynsha qylmystyq is qozǵady. Ázirge esepshiler qoldy qylǵan qarajat sommasy anyq emes.
«Qazir Ekonomıkalyq tergeý bólimi Maqtaaral aýdandyq bilim biliminiń esepshilikterine qatysty QR Qylmystyq kodeksiniń 189-baba 4-bóligi 2 -tarmaǵyndaǵy «Memlekettik bıýdjetten qarajat jymqyrý» baby boıynsha tergeý júrip jatyr. QR Qylmystyq kodeksi 201-babynyń 1-bóligine saı sotqa deıingi tergep-tekserý derekteri jarııalanbaıdy», delingen Túrkistan oblysy Ekonomıkalyq tergeý departamenti habarlamasynda.
Buǵan deıin Jetisaı aýdany bilim bóliminiń esepshileri jalaqydan 530 mln teńge jymqyrǵany anyqtalǵan edi.