19 aqpan kúni el óńirlerinde temperatýra tómendep, aıaz kúsheıedi. Qazaqstannyń shyǵysynda kórsetkish - 45 gradýsqa deıin túsedi. О́ńirlerde aıaz qysyp, qatty jel soǵady. Osyǵan baılanysty sınoptıkter eskertý jarııalady, dep jazady Egemen.kz.
Erteń Shyǵys Qazaqstan oblysynyń soltústigi men shyǵysynda -45°S-qa deıin óte qatty aıazben qatar boran bolyp, qar jaýady, Jel 15-18 m/s kúsheıedi.
Qaraǵandy oblysynyń ońtústigi men shyǵysynda 15-20 m/s jyldamdyqpen jel soǵady. Túnde oblystyń soltústigi men shyǵysynda -35-39°S qatty aıaz saqtalady.
Qyzylorda oblysynda ekpini 23 m/s bolatyn jel bolady.
Ulytaý oblysynyń batysy men soltústiginde jel 15-20 m/s kúsheıip, aıaz qysady.
Ońtústikte, Túrkistan oblysynyń taýly jáne taý bókterindegi aýdandarynda tuman túsedi. Taýly aımaqtarda qar jaýady. Jeldiń jyldamdyǵy sekýndyna 23-28 m jetedi. Al Shymkent qalasynda túnde jáne tańerteń tuman bolady. Túrkistanda jel 15-20 m/s kúsheıedi.