Ońtústik Koreıanyń Pýsan qalasyndaǵy ústel tennısinen ótip jatqan komandalyq álem chempıonatyn Qazaqstannyń ulttyq quramasy jeńispen bastady.
Jigitter tusaýkeser kezdesýde Saýd Arabııasymen saıysqa tústi. Kırıll Gerasımenko Halıd Alsharefti jáne Alan Qurmanǵalıev Abdýlazız Shýlaıbıdi 3:0 esebimen bas kótertpeı utsa, sol eldiń eń úzdik oıynshysy Álı Álhadravıdi jeńý úshin Aıdos Kenjeǵulovqa biraz ter tógýine týra keldi – 3:2. Qorytyndy esep – 3:0. Burymdalarymyz Aýstralııaǵa qarsy oınady. Bul tartysta tarazy basy birazǵa deıin teńselip turdy. Birinshi básekede Záýresh Aqasheva Fan Szıan Leıden jeńilse, Sarvınoz Mirqadyrova men Anastasııa Lavrova óz qarsylastaryn qapy qaldyryp, komandany alǵa shyǵardy. Odan keıin Jasyl qurlyqtyń namysyn qorǵap júrgen alty birdeı Olımpıadaǵa qatysqan qytaı qyzy Sarvınozdy súrindirdi. Desek te sheshýshi oıynda Záýresh tájirıbeli Mıshel Bromlıeden basym túsip, jerlesterimizge jeńis syılady. Esep – 3:2.