Elimizde bıylǵy báıge maýsymy naýryz aıynda resmı ashylady. Báıgege qosylatyn júırik attardyń shabysy jyldan-jylǵa údep keledi. Bul týraly Ulttyq at sporty federasııasynyń birinshi vıse-prezıdenti Murat О́serbaev aıtty, dep jazady Egemen.kz.
«Vaige.federasiasy» ıýtýb arnasyndaǵy suhbatta Murat О́serbaev báıge attarynyń jyldamdyǵy artyp kele jatqanyn aıtty. «Munyń eki sebebi bar. Syrttan satyp ákeletin taza qandy jylqylardyń da sapasy joǵary qazir. Ekinshiden, qoltýma jylqylardyń da baby keremet, únemi júırikter báıge tilep zar kúıinde júredi. Bul atbegilerdiń biliktiligin baıqatady. Demek, olardyń da deńgeıi ósti degen sóz. Burynyraqta 25 shaqyrymdyq alaman báıgede attar 1,5 saǵatta shaýyp ótetin. Qazir 25 shaqyrymdy júırikter 33 mınýtta óndiredi. Byltyr «Uly alaman» báıgesi 35 shaqyrymda 53 mınýtta shaýyp keldi. Taǵy bir aıtatyn jaıt, burynǵydaı mertigip, bolmasa zoryǵyp qulaıtyn attar da azaıyp keledi. Kóbine baby durys bolmaı, kúıi kelmeı qosylǵan júırikter jyǵylatyn. Búginde atbegilerdiń óresi ósti, tájirıbesi tolysty. Sondyqtan babyna enbegen júırikti júgirte berýdi qosh kórmeıdi», dedi M.О́serbaev.