Soltústik Qazaqstan oblysynda úıirli jylqyny izdeýge shyǵyp, adasyp ketken eki adam tabyldy, dep jazady Egemen.kz Tótenshe jaǵdaılar mınıstrliginiń baspasóz qyzmetine silteme jasap.
«21 aqpanda túnde Soltústik Qazaqstan oblysy, Ýálıhanov aýdany, Qaırat aýylynyń mańynda TJD, polısııa bóliminiń, JAO jáne halyqtyń kúshimen 1976 jyly týǵan traktorshy men 1969 jylǵy shopan izdestirildi. Olar 20 aqpanda traktormen jylqylardy izdeýge shyǵyp, qaıtyp oralmady. 21 aqpanda tańerteń joǵalǵan traktorshy men shopandy TJD qyzmetkerleri qar-batpaqta erkin júretin Trekol kóligimen Saraǵyrt aýylynyń mańynan tapqany» jazylǵan aqparatta.