Nazarbayev University qamqorshylyq keńesiniń otyrysy ótti. Oǵan Qamqorshylyq keńesiniń tóraǵasy – Prezıdenttiń Ekonomıkalyq máseleler jónindegi kómekshisi Áset Erǵalıev, Ǵylym jáne joǵary bilim mınıstri Saıasat Nurbek, Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın jáne Strategııalyq josparlaý jáne reformalar agenttiginiń tóraǵasy Jandos Shaımardanov qatysty.
Otyrysta qatysýshylar ýnıversıtettiń bolashaq damýy men ǵylymı-zertteý áleýetin talqylap, bıylǵy bıýdjetti bekitti. Sondaı-aq keńes músheleri qarjylyq turaqtylyqty qamtamasyz etý, ǵylym men óndiristi biriktirý boıynsha naqty mindetti belgiledi.
– Nazarbayev University – elimizdegi ǵylym salasynda jetekshi bilim ordasy. Onyń zertteý áleýetin odan ári damytýymyz qajet. Búgin biz buǵan kóz jetkizip otyrmyz. Aldaǵy tańda elimizdegi óńirlik joǵary oqý oryndary da birtindep ǵylymı-zertteý ınstıtýttarynyń úlgisine kóshedi dep oılaımyn. Biz ýnıversıtet pen óndiris arasyndaǵy yntymaqtastyqty kúsheıtkimiz keledi, – dedi Saıasat Nurbek.
Jıyn aıasynda qamqorshylyq keńesiniń músheleri genomdyq medısına zerthanasynyń jumysymen tanysyp, aqyldy júıeler jáne jasandy ıntellekt ınstıtýtynyń (ISSAI) ázirlemesin kórip, ǵalymdarmen kezdesti.
Ýnıversıtet prezıdentiniń mindetin atqarýshy dırektor Adesıda óz sózinde, aldaǵy tańda ǵylymı-zertteýlerge basa nazar aýdaryp, erekshe kóńil bóletinin aıtty. «Bizdiń oqý orny jas ǵalymdardy, sonyń ishinde PhD dárejesin shetelde alǵan qazaqstandyq zertteýshilerdi tartý úshin barynsha jaǵdaı jasaýǵa kúsh salamyz», dedi ol.
Kezdesý sońynda ýnıversıtet basshylyǵy bilim berý resýrstaryn damytýdy, ǵylymı ázirlemelerdi kommersııalandyrý jáne el ekonomıkasyna qosatyn úlesin arttyrýda ónerkásiptik sektormen seriktestikti nyǵaıtatynyn jetkizdi.
Bekzat QULShAR,
L.N.Gýmılev atyndaǵy Eýrazııa ulttyq ýnıversıtetiniń stýdenti