BAÁ-niń Dýbaı qalasynda tennısshilerdiń taǵy bir iri dodasy bastaldy. Júlde qory 3 211 715 dollardy quraǵan týrnırde Elena Rybakına baq synap jatyr.
Alǵashqy aınalymda bos bolǵan otandasymyz ekinshi kezeńde Vıktorııa Azarenkomen sheberlik baıqasty. 34 jastaǵy Belarýstiń betkeustary kezinde Aýstralııanyń ashyq birinshiliginde eki márte bas júldeni oljalap, US open dodasynda úsh ret fınalǵa shyqty. Ýımbldon men Rolan Garrostyń jartylaı fınalynda oınady. Tokıo Olımpıadasynyń jekelegen saıysynda qola alsa, mıkste altynnan alqa taqty. Dáýiri júrip turǵan shaǵynda Azarenko álemdik reıtıngte kósh bastady. Qazirgi kezde ol – WTA tiziminde 27-orynda. Bul báseke sońyna deıin jetpedi. Ekinshi setten keıin tarazy basy teńselip turdy – 4:6, 6:2. Biraq eski jaraqatynyń syr bergenin jeleý etken Vıktorııa úzilisten keıin jarysty odan ári jalǵastyrýdan bas tartty.
Kelesi kezeńde Elena Rybakına WTA reıtınginde 53-orynda turǵan Polsha tennısshisi Magdalena Frenhpen kúsh synasady.