Oqý-aǵartý mınıstrligi men Tótenshe jaǵdaılar mınıstrligi arasynda balalardyń qaýipsizdigin qamtamasyz etý boıynsha yntymaqtastyq týraly memorandýmǵa qol qoıyldy, dep jazady Egemen.kz vedomstvonyń baspasóz qyzmetine silteme jasap.
«Basty maqsat – balalardyń qaýipsizdigin qamtamasyz etý. Biz balalarymyzdyń, stýdentter men muǵalimderdiń ómiri men densaýlyǵyn qorǵaý úshin barlyq vedomstvolardyń kúsh-jigerin biriktirýdi kózdep otyrmyz. Osy yntymaqtastyqtyń arqasynda bilim berý uıymdary tótenshe jaǵdaılarda durys áreket etý jáne qaýipsiz bilim berý ortasyn qamtamasyz etýde qosymsha bilim men daǵdyǵa ıe bolady», dedi Oqý-aǵartý vıse-mınıstri Edil Ospan.
Sondaı-aq vedomstvolar bilim berý qyzmetkerlerin qaýipsizdik tehnıkasyna oqytý jáne ony taratý boıynsha jáne bilim berý uıymdarynyń jeke quramynyń ártúrli tótenshe jaǵdaılarǵa daıyndyǵyn arttyrý maqsatynda is-sharalar men jattyǵýlaryn birlesip ótkizýdi quptady.