Qoǵamdy dúr silkindirgen Bıshimbaevtyń isi sotqa jetti. Mundaı aqparat Astana qalalyq sot keńsesinde paıda boldy. Qujatta eks-sheneýnikke eki bap boıynsha aıyp taǵylǵany kórsetilgen, dep jazady Egemen.kz.
2024 jyldyń 26 aqpanynda Astana qalasynyń qylmystyq ister jónindegi mamandandyrylǵan aýdanaralyq sotyna kúdiktiler Q.Bıshimbaev pen B.Baıjanovqa qatysty qylmystyq is kelip tústi.
«Kúdikti Qýandyq Bıshimbaevqa QR Qylmystyq kodeksi 99-baby 2-bóliginiń 5) tarmaǵy boıynsha adam óltirý, qasaqana, asa qatygezdikpen adam óltirý, Qylmystyq kodekstiń 110-baby 2-bóliginiń 1) tarmaǵy boıynsha materıaldyq jaǵynan táýeldi adamdy júıeli túrde uryp-soǵý nemese ózge de zorlyq-zombylyq áreketteri arqyly fızıkalyq jáne psıhıkalyq qınaý faktisi boıynsha aıyp taǵyldy.
Kúdikti B.Baıjanovqa Qylmystyq kodekstiń 432-baby boıynsha asa aýyr qylmysty jasyrý jáne Qylmystyq kodekstiń 434-baby asa aýyr qylmys jasaǵany týraly habarlamaý faktisi boıynsha aıyp taǵyldy», dep jazylǵan habarlamada.
Aıta keteıik, qylmystyq-prosestik kodekstiń 319-babyna sáıkes, sýdıa isti sotta qozǵaý týraly sheshimdi 5 táýlikten keshiktirmeı shyǵarady.