Úkimet qaýlysymen Beıbit Salymuly Esenbaev bergen ótinishine sáıkes densaýlyq saqtaý vıse-mınıstri qyzmetinen bosatyldy, dep habarlaıdy Egemen.kz Úkimettiń baspasóz qyzmetine silteme jasap.
Beıbit Esenbaev 1985 jyly Qaraǵandyda dúnıege kelgen.
Qaraǵandy memlekettik tehnıkalyq ýnıversıtetin mehatronıka jáne robottehnıka mamandyǵy boıynsha (2008), Qaztutynýodaǵy Qaraǵandy ekonomıkalyq ýnıversıtetin Ekonomıka mamandyǵy boıynsha (2012), «QDSJM» Qazaqstandyq medısınalyq ýnıversıtetiniń magıstratýrasyn Densaýlyq saqtaý magıstri dárejesimen (2019) támamdaǵan.
2009-2017 jyldary Densaýlyq saqtaý mınıstrliginiń Aqparattyq tehnologııalar basqarmasynyń basshysy, bas sarapshy, sarapshy laýazymdaryn atqardy.
2017-2022 jyldary Densaýlyq saqtaý mınıstrliginiń densaýlyq saqtaýdy sıfrlandyrý departamentiniń dırektory boldy.
2022 jyly 7 shildede Densaýlyq saqtaý vıse-mınıstri bolyp taǵaıyndalǵan edi.