Elimizdiń ekinshi raketkasy Aleksandr Shevchenko BAÁ-niń Dýbaıynda ótip jatqan ATR týrnıriniń alǵashqy aınalymynan asa almady.
Tusaýkeser kezdesýin ol Danııl Medvedevke qarsy ótkizdi. 28 jastaǵy Reseı tennısshisi 2021-2024 jyldar aralyǵynda US Open dodasynda dara shyǵyp, úsh márte Aýstralııanyń ashyq birinshiliginiń fınalynda óner kórsetti. Ýımbldonda jartylaı fınalǵa deıin jetip, ATR týrnırlerinde 20 ret top jardy. Bul kúnderi álemniń tórtinshi raketkasy atanyp otyrǵan Medvedev Shevchenkoǵa shań qaptyryp ketti. Bir jarym saǵatqa sozylǵan saıys 6:3, 7:5 esebimen aıaqtaldy.
Ispanııanyń Tenerıfe qalasynda uıymdastyrylǵan «Chelendjer» týrnıriniń birinshi kezeńinde Mıhaıl Kýkýshkın ıtalııalyq Franko Agamenoneden aılasyn asyrdy. Esep – 7:6, 6:3.