1 naýryz − Alǵys aıtý kúni. 2015 jyly kúntizbemizge engen jańa merekeniń mańyzy men máni aıryqsha. Qysyltaıań qıly kezeńde qazaq topyraǵyna taban tiregen etnostar men turǵylyqty halyqtyń arasyndaǵy dostyqty dáripteýdi kózdeıtin meıram alǵash ret 2016 jyly jalpy halyqtyq sıpatta toılandy, dep jazady Egemen.kz.
Stalındik rejim kezinde Qazaqstanǵa túrli etnostar - 800 myńǵa jýyq nemis, 102 myń polıak, 550 myń Soltústik Kavkaz halyqtarynyń ókili, 18,5 myń Qıyr Shyǵystaǵy koreı otbasy qonys aýdardy. Saıasattyń salqynynan ata jurtynan alysqa uzaýǵa májbúr bolǵan jurtty Qazaq halqy jarqyn peıilmen qarsy aldy. О́z kezeginde qonys aýdarýshylar da «ashtyqta jegen quıqanyń aýyzdan dámi ketpes» dep bizdiń halyqtyń zulmat jyldary jasaǵan jaqsylyǵyn áste umytqan emes.
1 naýryz − Qazaq halqynyń darhan kóńiline ózge etnos ókilderiniń jarııa yqylas bildirý, alǵys aıtý kúni.
Osy merekeniń mánine uqsas rızashylyq bildirý kúni: AQSh, Japonııa, Izraıl, Vetnam, Qytaı, Belarýs taǵy basqa elderde de toılanady.
Jazýshy Kamal Álpeıisova Qazaqstanda toılanatyn Alǵys aıtý kúniniń mazmunyn bylaı túsindiredi: «Qazaq halqy úshin – qınalǵandarǵa qamqorlyǵyn aıamaıtyn, jasaǵan jaqsylyǵyn satpaıtyn, qushaǵyna alǵan qansha jurt qaıyrymdylyǵyn aıtyp, táý etip jatsa masattanbaıtyn halqymyz úshin – bul basqa elderde bar bolǵandyqtan belgilengen mereke emes, bul – qajettiligin ýaqyttyń ózi talap etken, HH ǵasyrdyń zulmaty qaıtalanbaýy úshin ony bastan keshken halyqtar jadysyn jańǵyrtý maqsatynda paıda bolǵan mereke».