Búgin elordalyq órt sóndirýshiler kompıýterlik klýbta bolǵan órtti der kezinde sóndirdi, dep habarlaıdy Egemen.kz TJM baspasóz qyzmetine silteme jasap.
Vedomstvo málimetinshe órt Nura aýdany, 201 kóshesi boıyndaǵy kompıýterlik klýbta bolǵan. О́rt sóndirýshiler kelgenge deıin klýb ishindegi adamdar ózderi dalaǵa shyǵyp úlgergen.
«Saǵat 04:24-te órt oqshaýlanyp, 06:15-te sóndirildi. О́rt alańy 150 sharshy metrdi qurady. О́rtti sóndirýge TJD jeke quramynan 24 adam men 5 birlik tehnıka jumyldyryldy», delingen habarlamada.