Shymkentte 2 naýryzǵa qaraǵan túni Alpysbaev kóshesinde Toyota Camry kóligi qatty jyldamdyqpen kele jatyp aǵashqa soǵyldy, dep habarlaıdy Egemen.kz.
Otyrar basylymynyń jazýynsha, apat saldarynan úsh adam aýyr jaraqat aldy.
Kýágerlerdiń aıtýynsha, júrgizýshi kólik tizginge ıe bola almaı qalǵan. Soqqynyń saldarynan adamdar kóliktiń deformasııalanǵan shanaǵyna qysylyp qalǵan. Qutqarýshylar gıdravlıkalyq quraldardyń kómegimen zardap shekkenderdi myjylyp qalǵan kólikten alyp shyqty.⠀
Júrgizýshi men artqy oryndyqta otyrǵan jolaýshy aýrýhanaǵa jetkizildi. Oqıǵa kezinde aldyńǵy oryndyqta otyrǵan jolaýshy jansaqtaý bólimine jatqyzyldy.
Qalalyq polısııa departamenti jol apatyna qatysty qylmystyq is qozǵady.