Keshe Italııanyń Býsto-Arsısıo qalasynda bokstan Olımpııa oıyndarynyń irikteý týrnıri bastaldy.
Alǵashqy bolyp rıngke 51 kg salmaqtaǵy Sáken Bıbosynov kóterildi. Keshe ol Gonkongtyń ókili Kannet Chýn Hım Tanmen qolǵap túıistirdi. Búgin jáne aldaǵy kúnderi myna bylǵary qolǵap sheberleri sharshy alańǵa shyǵady: 57 kg: Mahmud Sabyrhan – Iаdesa Leta (Efıopııa), 63,5 kg: Muhamedsabyr Bazarbaı – Donnel Fıllıp (Trınıdad pen Tobago), 71 kg: Aslanbek Shymbergenov – Sem Morovatı (Fınlıandııa), 80 kg: Nurbek Oralbaı – Sedrık Belonı-Dıýlepre (Gaıtı) jáne 92 kg: Aıbek Oralbaı – Sanjıt (Úndistan).
Áıelder jaıynda aıtar bolsaq, 50 kg salmaqtaǵy Alýa Balqybekovanyń qarsylasy Aılın Djeıms (Gvatemala) men Klaýdııa Totova (Chehııa) arasyndaǵy jekpe-jekten keıin belgili bolady. Valentına Halzovanyń da (75 kg) jaǵdaıy solaı. Ol túrkııalyq Býstra Isıldar nemese ekvadorlyq Inga Maldonadonyń birimen judyryqtasady. Al Jaına Shekerbekova (57 kg) nıgerııalyq Shýkýra Karım, Rımma Volosenko (60 kg) trınıdadtyq Hadnas-Sah Tıanna jáne Natalıa Bogdanova (66 kg) argentınalyq Soledad Balbýenamen sheberlik baıqasady.