Atyraý oblysy Qurmanǵazy aýdanynda birneshe kúnnen beri qamys órtenip jatyr. 2 naýryzda tutanǵan ot myń gektar jerdi sharpyp úlgergen, dep jazady Egemen.kz.
Tilsiz jaýmen kúreske tikushaq tartyldy. Janyp jatqan jerdiń batpaqty bolýy, sondaı-aq órt oshaǵyna aparar joldyń joqtyǵy jumysty qıyndatyp jatyr.
«Ańshylar nemese balyqshylar tamaǵyn pisirip, ornyn óshirmeı ketedi. Qaban jáne basqa da ańdardy úrkitý úshin qamysty órteýi múmkin», dedi oblystyq TJD Tótenshe jaǵdaılardy joıý basqarmasynyń bastyǵy Jantóre Demeshov.
Jalyn neden tutanǵany ázirge belgisiz. Qazir aýmaqta 40 shaqty adam men 10 tehnıka jumys istep jatyr. Eldi mekenderge qaýip tónip jatqan joq.