Sý sportynan Fılıppınniń Nıý-Klark-Sıtı qalasyndaǵy Azııa chempıonatynda Qazaqstannyń júzýshileri 36 júlde alyp, qurlyqtyń 14 rekordyn jańartqany jaıynda biz buǵan deıin de jazdyq.
Atalǵan jarys áli de jalǵasyp jatyr. Keshe artıstik júzýden ótken saıysta jerlesterimiz óz jankúıerlerin qýantty. Qyzdar arasyndaǵy básekede Karına Maǵrýpova asqan sheberlik tanytyp, altynnan alqa taqty. Kúmis jáne qola medal taılandtyq Patravı Chaıavararak pen ózbekstandyq Zııodahon Toshhýjaevaǵa buıyrdy.
Al erkin solo baǵdarlamasynda asa daryndy jas Daıana Jamanshalova jeńimpaz atandy. Qazaq qyzy sheshýshi tusta qytaılyq Iý Daı men ózbek Sabına Mahmýdovadan ozdy.