Kórkem gımnastıkadan Estonııanyń Tartý qalasynda ótken «Miss Valentine» dodasynda Aıbota Ertaıqyzy tabysty óner kórsetti.
Gran-prı sanatyna jatatyn jarysta osy sport túrin serik etken biraz myqty baq synady. Solardyń arasynda bizdiń Aıbota da bar. «Dop» jattyǵýy boıynsha ol 32,700 upaıdy ıelenip, kúmis medaldy moınyna ildi. «Shyǵyrshyqta» 32,550 upaı enshilep, qazaq qolaǵa qol sozdy. Sóıtip, qazaq qyzy Baltyq jaǵalaýynan qos júldemen oraldy.
Sondaı-aq A.Ertaıqyzynyń «taspa» men «urshyqtan» da jeńis tuǵyryna kóterilýge jaqsy múmkindigi boldy. Biraq fınaldyq saıysta basty qarsylastaryna jol berip, tórtinshi orynǵa turaqtady.