Eń tátti kórme

– Osynaý erekshe festıvaldy biz halyqaralyq áıelder kúni merekesi qarsańynda ári Qa­zaq­stan Respýblıkasy Prezı­denti ja­nyndaǵy Áıelder isteri jáne otbasylyq-demo­gra­fııa­lyq saıasat jónindegi ult­tyq komıssııanyń qurylǵa­nyna 25 jyl tolýyna oraı arnaıy uıym­dastyryp otyr­myz, – deıdi Ba­tys Qazaqstan ob­lystyq isker áıel­der keńesiniń tóraıymy Lıana Tursynova.

Kórmede talǵampaz tátti­qu­mardyń da kóńilinen shyǵatyn neshe túrli ónim qoıylǵan eken. Ártúrli shokolad-kámpıtter, torttar men tátti pecheneler, jent, qurt, irimshik sekildi ult­tyq taǵamdar da kóp boldy. Ár kásipker óz óniminiń qalaı ja­­sa­ǵanyn, quramynda ne bar eke­nin ózi aıtyp berip, saýdany qyzdyryp jatty.

– Bizdiń qalamyzda tátti ónim daıyndaıtyn qyz-kelinshek óte kóp. Búgingi kórmede jent, qurt sekildi ulttyq taǵamdardy jańa formatta usynyp otyrǵan sheberlerge erekshe rıza boldyq. Bul da jaqsy úrdis. Osyndaı kásipkerler bir-birimen tanysyp, ózara tájirıbe almasyp turýy úshin, ónimderdi nasıhataý úshin mundaı kórmeler jıi ótip turýy asa qajet, – deıdi Oral qala­sy ákiminiń orynbasary Arsen Ǵubashev.

Kórmege qoıylǵan ónimder kez kelgen dastarqannyń kór­kin arttyryp qana qoımaı, taza tabıǵı shıkizattan jasalǵan­dyqtan, densaýlyqqa da paıdaly bolyp shyqty. Mysaly, Terekti aýdanynan kelgen «Temirǵalıeva» JK-nyń jetek­shisi Aıakóz Temirǵalıeva kon­dıterlik ónim shyǵarýmen 5 jyldan beri aınalysady eken. 2022 jyly 1 mln 225 myń teńge grant utyp, ol qarjyǵa tońazytqysh jáne basqa da qural-jabdyq satyp alǵan kásipker shokoladqa malynǵan qulpynaı, anar jáne makaronstar jasaıdy. Bul úshin tek tabıǵı ónimderdi paıdalanady. «Buǵan deıin aýdandyq kórmelerge qatystym. Oblystyq is-sharaǵa alǵash ret kelip otyrmyn. Mundaı kór­meler ózimiz sekildi kásipker­ler­men tanysyp, tájirıbe al­masýǵa múmkindik beredi» deıdi kásipker.

Batys Qazaqstan oblysy