Ispanııanyń Marbele qalasynda jalaýy jelbiregen kórkem gımnastıkadan Gran-prı týrnırinde 18 jastaǵy Eljana Tánıeva altynnan alqa taqty.
«Dop» jattyǵýynda jerlesimiz tamasha óner kórsetti. Fınaldyq saıysta 33.40 upaı jıǵan Tánıeva barlyq qarsylasynan qara úzip, bas júldeni oljalady. О́zbekstannyń ókili Tahmına Ikromova (32.600 upaı) kúmis alsa, slovenııalyq Ekaterına Vedeneeva (32.200 upaı) qolaǵa qol sozdy. Bul – Eljananyń bıylǵy maýsymdaǵy tyrnaqaldy jeńisi.
Keıingi kezderi Eljana Tánıeva túrli halyqaralyq dodada daralanyp, óz jankúıerlerin qýantyp júr. Tarqatyp aıtsaq, 2021-2023 jyldar aralyǵynda ol Azııa oıyndarynda – 2 kúmis, Dúnıejúzilik ýnıversıadada – 2 kúmis, 1 qola, Azııa chempıonatynda – 1 altyn, 6 kúmis, 2 qola jáne Islam yntymaqtastyǵy oıyndarynda 1 altyn, 3 qola aldy.