Aqtóbe garnızonynyń áskerı soty asa iri kólemde bıýdjet qarajatyn jymqyrǵan áskerı qyzmetshige qatysty úkim shyǵardy, dep habarlady Egemen.kz.
Anyqtalǵandaı, sottalýshy qarjy qyzmeti bóliminiń bastyǵy qyzmetin atqarǵan.
«Ol basqarmanyń birinshi basshysynyń ESQ kiltin aýystyryp qoldaný arqyly, óziniń banktik esepshotyna bıýdjet qarajatynan birneshe ret zańsyz aqshalaı aýdarymdar jasaǵan. Zańsyz alynǵan bıýdjet qarajatyn sporttyq básterge tikken. Nátıjesinde, memleketke 23 mıllıon teńgeden astam shyǵyn keltirgen», dedi áskerı sot.
Birinshi satyly sottyń úkimimen áskerı qyzmetshi áskerı ataǵynan aıyryp, oǵan 6 jyl merzimge bas bostandyǵynan aıyrý túrindegi jaza taǵaıyndaldy. Sonymen qatar memleket kirisine prosessýaldyq shyǵyndar men jábirlenýshilerdiń ótemaqy qoryna májbúrli tólem óndirilgen.
Sottalýshy kinásin tolyǵymen moıyndap, keltirilgen zalaldy tolyǵymen ótedi. Sot úkimi zańdy kúshine endi.