Búgin Almatyda avtobýs júrgizýshisi 77 jastaǵy áıeldi qaǵyp ketti. Áıel oqıǵa ornynda jan tapsyrdy, dep habarlaıdy Egemen.kz.
Jol apaty Dosmuhamedov pen Sháripov kósheleriniń qıylysynda bolǵan.
Qalalyq avtobýs Maqataev kóshesimen shyǵys baǵytta júrip kele jatqan. Júrgizýshiniń aıtýynsha, bir áıel kútpegen jerden jol jıegine shyǵyp ketip, joldy durys emes jerden kesip ótip ketken.
Júrgizýshi soqtyǵysýdyń aldyn alý úshin rýldi búıirine buryp jibergenimen áıeldi qaǵyp ketti. Sodan keıin avtobýs kógalǵa ushyp, jol jıegine soǵyla jazdady.
Apat saldarynan áıel avtobýstyń astynda qalyp, alǵan jaraqattarynan jedel járdem kelgenshe kóz jumdy. Oqıǵa ornyna polısııa qyzmetkerleri men Almaty qalalyq qutqarý qyzmeti barǵan. Qazir sot-medısınalyq mamandar apattyń barlyq mán-jaıyn anyqtap jatyr.
Polıseıler áıeldiń 1947 jyly týǵanyn anyqtady.