Memleket basshysy Qasym-Jomart Toqaevtyń tóraǵalyǵymen Ulttyq quryltaıdyń úshinshi otyrysy ótip jatyr, dep habarlaıdy Egemen.kz.
Prezıdent atap ótkendeı, búginde jeke múddesin emes, el múddesin oılaıtyn azamattar kóp bolýy qajet.
«Shyn máninde, jeke múddesin emes, el múddesin bárinen bıik qoıatyn azamattar urpaqqa úlgi bolýy qajet. Ásirese, qazirgi geosaıası jaǵdaıda bul mindet asa mańyzdy ekenin umytpaǵan jón», dedi Memleket basshysy.
Osy oraıda Qasym-Jomart Toqaev áıgili qalamger, kórnekti memleket qaıratkeri Ábish Kekilbaevty aıryqsha atap ótti.«Ábish Kekilbaev – rýhanııat salasynda, memlekettik qyzmette erekshe qoltańbasyn qaldyrǵan birtýar tulǵa, klassık jazýshy. Men Ábekeńmen qyzmettes boldym, jaqyn aralastym. Ábish Kekilbaıuly naǵyz taý tulǵaly azamat edi. Ol ishki mádenıeti óte joǵary jan bolatyn. Eshqashan bireýdi bireýge qarsy qoımaıtyn, bárine súıispenshilikpen qaraıtyn. Ár aımaqtan ózine sálem berýge kelgen azamattarǵa esigi qashanda aıqara ashyq edi. Onymen tildesken adamdar rýhtanyp, qanattanyp shyǵatyn. Ábekeń usaq-túıek áńgimege berilmeıtin, jalpy adamzatqa ortaq máseleler týraly oılanyp, tolǵanatyn. Bir sózben aıtsaq, Ábish Kekilbaev naǵyz zııaly adam, kemeńger tulǵa boldy», dedi el Prezıdenti.Aıta ketsek, búgingi jıynǵa Quryltaı múshesi, asa kórnekti mádenıet qaıratkeri, Qazaqstannyń Eńbek Eri Ilııa Jaqanov qatysyp otyr.
«Ilekeń de – naǵyz memleketshil tulǵa, zııaly qaýym ishindegi asa bedeldi aǵamyz. Árdaıym salmaqty oı, salıqaly pikirimen elge syıly bolyp júrgen ardaqty azamat. Biz halqymyzdyń osyndaı perzentterin, olardyń ómir jolyn jan-jaqty dáripteýimiz kerek, laıyqty qurmet kórsetýimiz qajet», dep túıindedi Memleket basshysy.