Naýryzdyń 11-12 kúnderi Astana qalasyndaǵy «Marden» ortalyǵynyń májilis zalynda Mádenıet jáne aqparat mınıstrliginiń Din isteri komıtetiniń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleleri boıynsha bilikti mamandardy daıyndaýǵa baǵyttalǵan is-shara ótti. Sharaǵa «Din zertteý ortalyǵynyń», «Aqnıet» QQ, meshitterdiń jáne t.b. mamandary, ımamdary, psıhologtary, teologtary qatysty.
Jıynda din máseleleri boıynsha túsindirý tobynyń múshesi, pedagogıka jáne psıhologııa mamany Týıganov Myrzabek Sardarbekovıch «Metody argýmentasıı v protıvodeıstvıı destrýktıvnym relıgıoznym ıdeologııam» taqyrybynda halyq arasynda destrýktıvti ıdeologııanyń enýine qolaıly jaǵdaı týǵyzatyn negizgi sebepter men olardyń taralýyna qarsy áreket etý boıynsha sharalar týraly aıtyp ketti. Sonymen qatar «Formy ı metody profılaktıkı vovlechenııa molodıojı v destrýktıvnye relıgıoznye organızasıı» taqyrybymen mamandardy jastarǵa dinı aǵymdardan saqtaný týraly tereń túsinik berý joldaryn úıretti.
Túsindirý tobynyń taǵy bir múshesi, áleýmettaný ǵylymdarynyń kandıdaty Jaqııanov Talǵat Járdemqululy «Qazaqstannyń din salasyndaǵy ózekti máseleleri» taqyrybymen respýblıka aýmaǵyndaǵy dinı ahýaldyń turaqsyz sıpaty, keri aǵymdar men toptardyń belsendilikteri men yqpaly týraly aıtyp ketti. Sondaı-aq «Dinı ahýal monıtorıngi: ádisteri jáne júrgizý tehnıkasy» taqyrybynda qatysýshylarǵa monıtorıng pen taldaý jumystarynyń negizgi qaǵıdattaryn, mamandardyń óz jumystaryn durys uıymdastyrýy jáne júrgizýi, jazylǵan taldaýlar men usynymdardyń sapasy, eń aldymen, ǵylymı-teorııalyq turǵydan saýatty ázirlengen ádisnamaǵa táýeldi ekenin úıretti.
Sonymen qatar semınarlar men trenıngter barysynda qatysýshylar tarapynan dáriskerlerge suraqtar qoıylyp, tushymdy jaýaptar alyndy.