TikTok jelisinde #Naýryz2024 onlaın-festıvali bastaldy. Ulystyń uly kúnin toılaýǵa arnalǵan heshteg arqyly otandastarymyz elimizdiń túkpir-túkpirindegi erekshe merekelik sáttermen bólise alady. Eń úzdik beınematerıaldardyń avtorlaryna baǵaly syılyqtar beriledi.
Bastama Mádenıet jáne aqparat, Týrızm jáne sport mınıstrligi men «Kazakh Tourism» ulttyq kompanııasynyń qoldaýymen júzege asyp jatyr. Maqsat – TikTok áleýmettik jelisin qoldanýshylary arasynda tól mádenıetimizdi nasıhattaý, sondaı-aq azamattardy dúıim jurtpen shyǵarmashylyǵymen bólisýge shabyttandyrý.
«#Naýryz2024 jobasynyń elimizdiń mádenıetin jahandyq turǵyda ilgeriletýde mańyzy óte zor. Iаǵnı TikTok-tyń mıllıondaǵan qoldanýshysy qazaq halqynyń ǵajaıyp mádenıeti, ádet-ǵurpy, salt-dástúrlerimen tanysa alady. Biz osy joba kómegimen otandastarymyzdyń súıikti meıramdaryn merekelik kóńil kúıde jaqyndarymen ǵana emes, burynǵydan aýqymdy, platformanyń búkil aýdıtorııasymen bólisetinderi úshin qýanyshtymyz», dedi Mádenıet jáne aqparat vıse-mınıstri Evgenıı Kochetov.
О́tken jyly Naýryz merekesine oraı qoldanýshylar 16 myńdaı beınejazba jarııalapty. Arasynda súıikti taǵamdarynyń mázirlerimen bólisip, eldiń shalǵaıdaǵy eldi mekenderinen arnaıy reportajdar júrgizip, ulttyq kıimderdiń kórkemdigin pash etip, tarıhy men ádet-ǵuryptar týraly áńgimelep, dýmandatqan. Bıyl da uıymdastyrýshylar vırtýaldy álemdegi úrdisti jalǵastyryp, beınebaıandar men fotokontent jasaýǵa shaqyryp otyr.
«TikTok – qysqa beınebaıandar jasaýǵa arnalǵan jetekshi qosymsha. Maqsatymyz – adamdardy shyǵarmashylyqqa shabyttandyrý. Qazirdiń ózinde TikTok-ta #Kazakhstan heshtegi boıynsha 2,3 mıllıonnan astam beınerolık jasalǵan. Platforma qoldanýshylardy túrli taqyryp boıynsha kontent túsirýge, ıaǵnı taǵamdar ázirleýden bastap ulttyq sán úlgilerine deıin, ańyzdar men dástúrlerden mýzyka men bıge deıin úndeıdi. Qoǵamdastyqtyń belsendi qatysýy men otandastarymyzdyń keremet shyǵarmashylyq rýhynyń arqasynda platformada dástúr men zamanaýı áýenderdi jarasymdy túrde úılestiretin biregeı mýzykalyq trend paıda bolsa, tipten jaqsy. Mysaly, halyq áni «Qamajaıdyń» remıksine oryndalǵan bı», dedi TikTok-tyń Shyǵys Eýropa men Ortalyq Azııadaǵy operasııalyq bóliminiń basshysy Ekaterına Blınes.
Sondaı-aq festıvalǵa platformanyń tanymal kreatorlary da qosylmaqshy. Máselen, respýblıkadaǵy qalalardyń mádenıeti men tarıhy týraly tanymdyq formattaǵy kontent avtory Mıtıa Baınazarov Naýryz shejiresi týraly negizgi beınerolık daıyndasa, al elge @dombrart akkaýntymen tanylǵan dombyrashy Beles tól ánderimizdiń shyǵý tarıhyn baıandaıdy.
Jobaǵa jaýaptylardyń sózinshe, #Naýryz2024 bastamasynyń kil úzdik beıneorolıkteri men jeńimpazdary 22 sáýirde jarııalanady dep josparlanǵan.