Tatarstandaǵy «Qazan Kremli» memlekettik tarıhı-sáýlet jáne kórkemsýret murajaı-qoryǵynda «Iаsaýı murasy jáne ejelgi Túrkistan» halyqaralyq kórmesi ashyldy. Mádenı is-sharany «Áziret Sultan» memlekettik tarıhı-mádenı murajaı-qoryǵy uıymdastyryp otyr.
Ekspozısııa «Rýhanı amanat», «Iаsaýı murasy», «Túrkistan – Túrki áleminiń astanasy» atty 3 bólimnen turady. Kórmede murajaı-qoryq qorynan arheologııalyq, nýmızmatıkalyq, etnografııalyq qundy jádigerlerdiń túr-túri usynylǵan. Olardyń qatarynda Qoja Ahmet Iаsaýı ómiri men murasy týraly qoljazbalar men kartınalar, ilimin jalǵastyrýshylardyń eńbekteri, dúnıejúzilik mura atanǵan Qoja Ahmet Iаsaýı kesenesine baılanysty tarıhı artefaktiler bar.
Sondaı-aq kórmege kelgen kópshilik qasıetti Túrkistan tarıhymen jáne qazaq dalasynyń ǵasyrlar boıy qalyptasqan mádenıetimen, onyń álemdik órkenıettegi ózindik ornymen tanysa alady. Kórme 20 sáýirge deıin jumys isteıdi.