Otandyq ánshi, jyly ánderimen tyńdarmanynyń ystyq yqylasyna bólenip júrgen óner ıesi Jazıra Baıyrbekova er-azamattardy áıelderin qurmetteýge shaqyrdy, dep habarlaıdy Egemen.kz.
О́ner ıesi otbasyndaǵy erdiń áıel úshin jumsaıtyn qarajaty týraly oı qozǵady.
«El arasynda «áıelge kóp aqsha jumsasań tabysty bolasyń, jolyń bolady» dep aıtyp júrgenderdi bylaı túsindim. Áıel syılyq jasaǵanda, jyly sóz aıtqanda, qamqor bolǵanda kóńili qýanyp, er-azamatyna rıza bolyp júredi.
Áıel er adamnyń rızalyǵyn alý kerek degendi kóp estımiz. Er adam da áıeldiń rızalyǵyn alý kerek», dedi óner ıesi.
Ol áıeldiń kóńili aqshamen ǵana kóteriledi degenge kelispeıtinin jetkizgen.
«Bári jetip turǵany, árıne, jaqsy ǵoı. Biraq bir tal gúldi daladan úzip ákelip berip (qaljyńsyz), shyn kóńilimen «otbasymyzǵa jasap júrgen eńbegiń úshin» dep jyly sóz aıtsa da rıza bolamyz. Qymbat syılyq jasaý kerek dep bar tapqanyńyzdy áıelińizge jumsap, ata-anańyzǵa, bala-shaǵańyzǵa jetkize almaı otyrmańyzdar, jigitter.
Anańyzǵa da, áıelińizge de sizdiń aqshańyzdan buryn jyly sózińiz kerek. Jylýlyq, tatýlyq aqshamen ólshenbeıdi», dedi ánshi.