QTJ Qaraǵandy oblysynyń turǵyndaryn evakýasııalaý úshin jeke poıyz bóldi, dep habarlaıdy Egemen.kz.
Qaraǵandy oblysynyń Aqsý-Aıýly kentinde aýa raıynyń nasharlaýy men qardyń qarqyndy erýi Sherýbaı-Nura ózeniniń shekten tys tolýy saldarynan Ekaterınbýrg-Almaty tasjoly ýaqytsha jabylyp qaldy. Osyǵan baılanysty «Jolaýshylar tasymaly» AQ Qaraǵandy oblysynyń turǵyndaryn evakýasııalaýdy uıymdastyryp jatyr.
«Halyqty tasymaldaýdy qamtamasyz etý úshin tegin negizde jeke lokomotıvti paıdalana otyryp, bir reıske jolaýshylar poıyzy taǵaıyndaldy: - №8801/8802 «Qaraǵandy-Balqash-2» baǵytynda poıyz Qaraǵandydan 30 naýryz kúni saǵat 14:53-te jóneltildi. Sondaı-aq kelesi 1 reıske jolaýshylar poıyzdaryna qosymsha vagondar taǵaıyndaldy: «Qaraǵandy-Balqash-2» baǵytyndaǵy №606 poıyz Qaraǵandydan 30 naýryzda saǵat 19:40-ta jóneltilip, 31 naýryz kúni Balqashqa saǵat 06:25-te keldi; «Balqash-2-Qaraǵandy» baǵytyndaǵy №605 poıyz 30 naýryz kúni saǵat 22:50-de Balqashtan jóneltilip, 31 naýryz kúni saǵat 8:20-da Qaraǵandyǵa keldi», delingen habarlamada.Qosymsha vagondardyń arqasynda sý basqan aımaqtardan 1200-den astam turǵyndy tasymaldaý múmkin bolady.