Depýtattar Qazaqstandaǵy "Iаndeks" taksı agregatorynyń júrgizýshiler men jolaýshylar úshin komıssııacy tym joǵary ekenin aıtyp, depýtattyq saýal joldady, dep habarlaıdy Egemen.kz.
"Qazaqstan halyq partııasy" fraksııasynyń bes múshesi ulttyq ekonomıka mınıstri Nurlan Baıbazarovqa depýtattyq saýal joldady. Májilis depýtattary "Iаndeks.Taksı" jáne qazaqstandyq naryqta jumys isteıtin basqa da kompanııalar úshin komıssııalyq mólsherlemelerdi tómendetýdi talap etti.
Depýtattar taksı salasynda qyzmet kórsetetin kompanııalardyń qyzmeti úshin komıssııany tapsyrystyń 5-7% deıin tómendetýdi nemese bir tapsyrys úshin 50 teńgeden 70 teńgege deıin belgilengen tólem bekitýdi usynyp otyr. Depýtattar taksı salasynda platformalyq jumysqa ornalasýdy usynatyn qazaqstandyq kompanııalardyń damýyn qoldaý tetikterin ázirleýdi usyndy.
Qazaqstan taksı qyzmetiniń quny boıynsha álemdik reıtıngte 73-orynda tur. 2024 jyldyń naýryz aıynyń sońynda taksı quny bir shaqyrymǵa 0,67 dollardy quraǵan, bul barlyq TMD elderindegi kórsetkishterden asyp túsedi.
Depýtattar Iаndeks.Taksıdi “monopolıst" dep atady. Olardyń aıtýynsha, kompanııanyń Qazaqstandaǵy ósýi naryqty baqylaýyna jáne oǵan áser etýine múmkindik beredi.
Iаndeks.Taksıde komıssııa tarıf pen aımaqqa baılanysty bir sapar úshin 11%-dan 17%-ǵa deıin ózgerip otyrady. Taksoparktardyń tólemaqysy 4% quraıdy. Qazir Qazaqstanda 200 000 adam “Iаndeks.Taksı” arqyly tabys taýyp otyr, onyń 50 000-y úshin bul olardyń negizgi tabysy. Depýtattar adam tasymaldaý arqyly qosymsha tabys tabý aqshanyń joqtyǵymen baılanysty ekenin aıtty.
- Biz azamattardyń taksı qyzmetine joǵary baǵa tóleýin ádiletsizdik dep sanaımyz, al júrgizýshiler bul somanyń az ǵana bóligin taza tabys túrinde alady, – delingen depýtattyq saýalda.
Qujatqa Qazaqstan halyqtyq partııasynyń depýtattary Kenjeǵul Seıitjan, Islam Suńqar, Irına Smırnova, Gaýhar Tanasheva jáne Megarram Megarramov qol qoıdy.